leoni

Eliminohen afro 20 deponi ilegale mbeturinash në qytet të Ferizajt dhe fshatra

23/08/2018 Institucionet

Kujdesi ndaj mjedisit dhe intensiteti i shtuar i punës së ndërmarrjes publike për mirëmbajtjen e qytetit nga mbeturinat është prioritet i qeverisjes lokale në Ferizaj. Mbështetja nga Kryetari i Komunës, Agim Aliu për ndërmarrjet publike me fonde shtesë dhe infrastrukturë teknike po tregon rezultate. Vetëm në javën e fundit ekipet e mirëmbajtjes nga kompanitë publike nën mbikëqyrjen dhe organizimin e Drejtorisë së Shërbimeve Publike dhe Emergjencë kanë eliminuar afro 20 deponi ilegale të mbeturinave me një sasi prej disa tonelatash në qytet dhe fshatra. Ky aksion është vazhdimësi e nismës së qeverisjes lokale për t’i ofruar qytetarëve mjedis të pastër, ndërkohë është aktivizuar dhe inspektorati komunal, përkatësisht ai i mjedisit që të shqiptoj gjoba ndaj ndotësve të mjedisit si masë për rritjen e vetëdijes qytetare për kujdesin ndaj ambientit si dhe ndëshkim ndaj ndotësve të hapësirave të përbashkëta. mDrejtori i Drejtorisë së Shërbimeve Publike dhe Emergjencë, Arben Halili ka theksuar se vazhdimisht po zhvillohen aksione të tilla, të cilat kanë rezultuar me eliminimin e qindra deponive ilegale të mbeturinave, rrjedhimisht tonelata të mbeturinave të larguara nga zona e qytetit dhe fshatrave. Komuna e Ferizajt, përmes ndërmarrjes publike përkatëse ka shtuar oraret e mbledhjes së mbeturinave në këtë sezon veror si masë adekuate që parandalon ndotjen, gjegjësisht shpërndarjen e mbeturinave në hapësira publike. Aktualisht, KRM “Pastërtia” vetëm në zonën e qytetit, 11 herë gjatë ditës bën mirëmbajtjen, përkatësisht mbledhjen e mbeturinave në rrugët dhe lagjet e qytetit si dhe në orare të reduktuara edhe në fshatra. Institucioni i Komunës apelon tek qytetarët që të kujdesen ndaj mjedisit, si dhe të denoncojnë pranë autoriteteve ndotësit e mjedisit.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara