Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vendimit të presidentes së Kosovës, Vjosa Osmani, për të mandatuar Glauk Konjufcën si kandidat për kryeministër, reagimet politike nuk kanë munguar. Deputetja e Partisë Demokratike të Kosovës, Eliza Hoxha, ka shprehur hapur dyshimet e saj për mënyrën se si Lëvizja Vetëvendosje e ka “bindur” presidenten për këtë vendim. Osmani kishte deklaruar më herët se është bindur se LVV mund të sigurojë shumicën parlamentare për formimin e qeverisë. Por Hoxha kërkoi qartësi, duke ngritur pyetje publike mbi bazën ligjore dhe politike të atij vlerësimi. Me çfarë të kanë bindur e nderuar Presidente? A mos i kanë nënshkrimet e deputetëve që e përbëjnë 61-shin? Apo ekziston ndonjë marrëveshje politike që e garanton shumicën. Një vendim i tillë nuk përbën befasi, duke aluduar në afërsinë që, sipas saj, Osmani ka treguar me Lëvizjen Vetëvendosje. E bindur ndaj Kurtit keni qenë në vazhdimësi, andaj edhe kjo sot nuk përbën befasi , shtoi Hoxha. Reagimi i Eliza Hoxhës pasqyron skepticizmin e opozitës ndaj mënyrës së menaxhimit të krizës institucionale nga presidentja Osmani. Pyetjet mbi ekzistencën e shumicës parlamentare për Konjufcën mbeten të hapura, ndërsa reagime të ngjashme po e thellojnë ndarjen midis institucioneve dhe partive kryesore.
