Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari danez i Bashkimit Evropian për dialogun Kosovë–Serbi, Peter Sorensen, gjatë një vizite në Prishtinë, ka përcjellë një porosi të qartë për liderët institucionalë dhe politikë të vendit: Marrëveshja e Ohrit mbetet e gjallë dhe zbatimi i saj është më urgjent se kurrë. Pas takimit në Zyrën e Kryeministrit, ku ndodhej ende Albin Kurti – tashmë vetëm deputet i Kuvendit të Kosovës – Sorensen u shpreh shkurt para gazetarëve, duke theksuar se procesi duhet të qëndrojë “i shëndoshë dhe në këmbë të veta”. Më shumë detaje nuk ndau, por vazhdoi axhendën e tij me takime edhe me liderë të partive të tjera politike. Në përmbyllje të ditës, emisari evropian postoi në platformën “X” një përmbledhje të takimeve, ku theksoi domosdoshmërinë për zbatimin e marrëveshjes së arritur në Ohër. “Vizitë produktive në Kosovë. Në të gjitha takimet që pata, theksova nevojën urgjente për zbatimin e Marrëveshjes së Ohrit, tash më shumë se kurrë. Rruga për integrimin në Bashkimin Evropian shkon përmes përparimit kuptimplotë në dialog. Koha për të ecur përpara”, ka shkruar Sorensen.
