Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Enver Hoxhaj, ka reaguar ashpër ndaj sulmeve të zyrtarëve të Vetëvendosjes kundër Gjykatës Kushtetuese, duke i cilësuar ato si të papranueshme. Në një postim në profilin e tij në “Facebook”, Hoxhaj ka theksuar se vendimet e Kushtetueses duhet të respektohen pa kushte, duke cituar edhe një thënie të Benjamin Franklin: “Një republikë, nëse mund ta mbani.” “Ruajtja e një republike kërkon përgjegjësi, respekt për Kushtetutën dhe vullnet për të mbrojtur rendin demokratik në çdo rrethanë. Vendimi i sotëm i Gjykatës Kushtetuese është dëshmi se ky rend u sulmua qëllimisht nga një pushtet që zgjodhi bllokadën dhe krizën mbi ligjshmërinë. Sulmet ndaj Gjykatës Kushtetuese janë të papranueshme. Vendimet e saj duhet të respektohen. Vetëm kështu i jepet fund krizës, kaosit dhe anarkisë,” ka shkruar Hoxhaj.
