Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, ish-ministri i Punëve të Jashtme, Enver Hoxhaj, ka reaguar pas deklaratës së zëvendëskryeministrit Besnik Beslimi, i cili sot tha se pala serbe është pajtuar që të hapën arkivat, duke përfshirë edhe ato të UÇK-së. Hoxhaj në llogarinë e vet në “Facebook”, ka shkruar se as në ëndrrën e tij më të keqe nuk ka menduar se do ta përjetojë këtë ditë. “As në ëndrrën time më të keqe nuk kam menduar se do ta përjetoj këtë ditë, kur Qeveria e Kosovës legjitimon gënjeshtrat e Serbisë, duke i ngjallur fantamzat serbe kinse për arkiva të UÇK-së. Kjo është barazim i viktimës me agresorin dhe krahasim i UÇK-së me ushtrinë serbe! Gabimet e Qeverisë Kurti në politikën e Jashtme janë të përmasave alarmante, duke rrezikuar seriozisht trashëgiminë e luftës sonë çlirimtare dhe shtetësinë tonë”, ka shkruar Hoxhaj.
