Është përkujtuar 18 vjetori i rënies së Malush Ahmetit

16/05/2017 Institucionet

18 vjetori i rënies së Malush Ahmetit është përkujtuar me homazhe kushtuar dëshmorit, si dhe me aktivitete të shkollës së Rezallës që mban emrin e tij. Nënkryetari i Komunës së Skenderajt Fadil Nura me bashkëpunëtorë, ka bërë homazhe dhe ka vënë lule pranë varrit të dëshmorit në Rezallë. Homazhe dhe nderime kanë bërë edhe pëfaqsues të shoqatave të dalura nga lufta e UÇK-së, bashkëluftetarë të Malushit dhe familjarë. Ndërsa në kremten e ditës së shkollës “Malush Ahmeti” në Rezallë, Nënkryetari Nura përveç që ka uruar nxënësit dhe mësimdhënësit për ditën e shkollës, ai ka folur edhe për respektin që kanë institucionet lokale për figurat e rëndësishme dhe dëshmorët siç është Malush Ahmeti. Ai ka çmuar lartë veprën e dëshmorit, duke theksuar se amanetin e Malushit dhe gjithë dëshmorëve e çojmë në vend duke punura për të mirën e fëmijëve tanë në edukimin e tyre të mirëfilltë. “Komuna e Skenderajt u është mirënjohëse përherë dëshmorëve dhe të rënëve për liri”, tha z. Nura. Për të arriturat e shkollës “Malush Ahmeti” ka falur drejtori i shkollës Bajram Rukolli, duke theksuar rezualtatet e saj në 71 vjetorin e punës në edukimin dhe arsimimin e brezave të rinj. Hysni Gucati në emër të OVL të UÇK-së, familjes Ahmeti i ka ndarë dekoratën për kontributin dhe sakrificën e dëshmorit Malush Ahmeti. Malush Ahmeti njihet si njëri ndër ushtarakët e shquar të UÇK-së që ka dhënë kontribut të jashtëzakonshëm në luftën çlirimtare të udhëhequr nga UÇK-ja. Ai ka rënë dëshmor më 15 maj të vitit 1999 në fshatin Rezalë.

Kontrolloni gjithashtu

Në 25 vjetorin e rënies heroike, u përkujtuan Ilaz Kodra dhe 315 dëshmorë të tjerë

Në nderim të rënies heroike të komandantit të Ushtrisë Çlirimtare të Kosovës, Ilaz Kodra dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara