Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të shtunën është shënuar 20 vjetroi i rënies së dëshmorit të kombit, Abedin Bujupi. Për të nderuar veprimtarinë e luftëtarit të Ushtrisë Çlirimtare të Kosovës, Abedin Bujupi, kurora lulesh tek varri i tij në Kleçkë ka vendosur kryetari i Drenasit, Ramiz Lladrovci, bashkëluftëtarët e Abedinit, familjarë, nxënësit dhe mësimdhënës e Shkollës së Arllatit e cila e mbanë emrin e dëshmorit dhe qytetarë të shumtë. Nderime janë bërë edhe tek lapidari i dëshmorit në fshatin Negroc. Abedin Bujupi ka rënë 20 vite më parë në fshatin Negorc të Drenasit, derisa i vetëm luftonte përball makinerisë së blinduar të armikut. Bujupi është ushtari emblematik i UÇK-së, i cili nuk iu dorëzua persë gjalli qindra ushtarëve të armikut, të cilët me mjetet të blinduar e kishin rrethuar, ndërsa luftoi i vetëm derisa kishte municion, raporton ksp. Emrin e Abedinit, veç shkollës së fshatit të lindjes së tij në Arllat, e mban edhe djali i tij, Abedini i ri, i cili ka lindur disa muaj pasi ka rënë në altarin e lirisë luftëtari i lirisë. Pas rënies së Familjes Jashari dhe komandantit Legjendar të UÇK-së, ai erdhi nga Gjermania për t’iu bashkuar radhëve të UÇK-së. Abedini kreu shumë misione të rëndësishme ushtarake, që i ishin caktuar nga komanda e Shtabit të Përgjithshëm të UÇK-së.
