Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
EULEX konsideron se deklarata e ministrit të Drejtësisë, Hajredin Kuçi, në lidhje me dënimin e kryetarit të komunës së Skënderajt, Sami Lushtaku mund të perceptohet si frikësim dhe ndërhyrje politike. Ky mision nëpërmjet një komunikate për media sqaron se pas kësaj deklarata është shtyrë mbledhja e Bordit të Përbashkët për Sundim të Ligjit, e cila mbahet me pjesëmarrje të EULEX-it, të BE-së, gjyqësorit dhe ministrit të Drejtësisë. Në një emision televiziv, ministri Kuçi ka thënë se dënimi i kryetarit të Skenderajt, Sami Lushtaku nga Gjykata Themelore e Prishtinës është absurd. Lushtaku është dënuar nga shkalla e parë me 12 vjet burg për gjoja krime lufte. Rasti i Lushtakut dhe të akuzuarve tjerë në “Grupin e Drenicës” do të trajtohet në Gjykatën e Apelit pas ankesës së mbrojtjes.
