Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivistët e Lëvizjes Vetëvendosje zhvilluan një aktivitet simbolik te Ministria e Punëve të Brendshme. Në njërën anë kanë lënë pankartat shumëngjyrëshe përmes të cilave kërkojnë drejtësi, ndërsa kanë hedhur ngjyrë të zezë mbi logon e kësaj ministrie. “Këtë ministri e ka kapluar faqja e zezë. Kjo është pamja e saj e vërtetë me veprimet e fundit që janë arrestime, bastisje e deportime e përndjekje të opozitës”, thuhet në komunikatën e Vetëvendosjes. Nënkryetari, Driton Çaushi tha se demokracia dhe fjala e lirë po rrezikohen sot si asnjëherë më parë në periudhën e pasluftës në republikën e Kosovës. “Vendi, si pasojë e pushtetit policor Mustafa-Thaçi po rrëshqet përditë e më tepër drejt diktaturës. Gjatë muajve të fundit, e sidomos ditëve të fundit aktivistët tanë po i nënshtrohen një dhune e represioni brutal, nga arrestimet e bastisjet e njëpasnjëshme, rrahjes në stacionet policore, montimet e rasteve gjyqësore, përgjimet e komunikimeve private, fushatave linçuese nga mediat e pushtetit e deportimeve të aktivistëve nga Shqipëria”, tha Çaushi.
