Fadil Shyti: DRITË LIRIE!

(Kushtuar themelimit të PKSH-së, më 8 Nëntor, 1941)

 

Kur trojet shqiptare, po rënkonin

nga thundra e robërisë,

Më 8 Nëntor 1941, flakëroi –sulmoi,

Një dritë-rrufe,

Mbi armiqtë, -në qiellin e Shqipërisë!

Rinia heroike shqiptare,

Po betohej me grushte lart!

Komandant Enveri i tha jo reaksionit,

Kur përpëlitej e zvarritej përçartë!

Djaloshi Qemal Stafa,

Po e jepte kushtrimin:

Ta luftojmë fashizmin!

Ta bëjmë RIBASHKIMIN!

Lokemadhja Bije Vokshi,

Me revolver e bomba në duar,

Si Shote Galica e Norë e Kelmendit,

Ju bënte roje flakadanëve,

Për lirinë e vendit!

Emin Duraku, ylli i Kosovës Kreshnike,

Do lidhej si gjaku me zemrën,

Në qëndresë kundër nazi-fashizmit,

Përkrah rinisë heroike!

Nexhmije Hoxha- Xhuglini, dibranja guximtare,

Erdhi si Shqiponjë në Konferencën e Partisë,

Do të luftonte tërë jetën krenare,

Përkrah “Shpatit”, viganit të Shqipërisë!

Buzëqeshi si Dielli, andej nga Peza,

Babë Myslimi me shokë;

Kur e freskoi lajmi si era:

Rinia në Tiranë, po betohej për këtë tokë!

Haxhi Lleshi, si shkëmb mali,

Po i bashkonte, malësorët:

Do luftojmë për liri, o vdekje,

Deri t´i shporrim gjakësorët!

Si vetëtimë mbi male e qytete,

Përhapej betimi; armikut do ia bëjmë fora!

Vojo Kushi partizani, me gjoks sulmoi tankën,

Gjorgji Martini, Sadik Stavileci, te Kodra e Kuqe,

Me heroizma micsokoliane, e lartësuan Tiranën!

Vringëllonte, Hysniu, andej nga Vlora!

Lufta e forcoi besën,

Lufta e kërkoi qëndresën,

Lufta kishte dhembje-gjaku!

Lufta, e rriste shpresën!

Lufta e vrau robërinë!

Lufta e vrau tradhtinë!

Lufta çlirimtare, aspiroi Fitoren!

Ta gëzojmë lirinë!…

U therën keq, gjakatarët kryeneçë:

Bishat e Hitlerit, bishat e Musolinit,

Ikën andej nga erdhën:

U strukën në Romë si qyqet,

U mbytën turpshëm nën gërmadhat e Berlinit!

Ata, që popujve liridashës,

Tmerrshëm, vrershëm ua nxinë jetën:

I mbuloi tmerri dhe vreri:

Prandaj, turpësisht, fundësisht,

e vranë veten!

Gjysmë shekulli drita e 8 Nëntorit,

I ngrohu shqiptarët, kudo nëpër botë:

Fikja e kësaj drite të madhe:

Shekujve, nuk arrihet dot!

Suedi,  8 Nëntor 2006