Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Specialitete, helmuese filluan t´i përgatisin zotërinjtë imperialistë, gjatë luftës në Rambulliet dhe në Paris (1999); duke vazhduar me të tilla edhe pas mbarimit të luftës,-me ato 8 Standardet, para statusit, -kinse republikë!!!, të cilat e rrënuan si mos më keq ekonominë e Kosovës, me të ashtuquajturën “privatizimi i ekonomisë” nga ndërmarrjet shtetërore,-me një makutëri të paparë prej babëzive, u mbyllën shumë fabrika, kombinate, uzina e të tjera burime të pasurive të Kosovës,-apo u shitën, pa vlerën e tyre që e kishin,-krejt lirë, “për një copë bukë”, ato i blenë apo i morën me njëmijë e një fije mashtrimesh pashallarët e brendshëm e të jashtëm në pushtet apo në lidhje farefisnore apo pushtetore me ata, pushtetarët fituan shumë nga pasuritë e Kosovës; por, armata e madhe qindra mijëshe,-klasa punëtore e cila aty në ato fuqi kolosale si “Trepça”, në Mitrovicë, ashtu po provojnë ta degdisin).., “Amortizerët” në Prishtinë, “Fabrika e Gypave”, në Ferizaj”, “Ferronikelin” në Drenas e të tjera.., që e mbanin gjallë popullin, aty ku kishte derdhë djersën dhe gjakun; humbi shumë,-e humbi fuqinë e saj si klasë e shoqërisë së një shteti të pavarur, e humbi IDENTITETIN e sovranitetit të saj, të cilin madje edhe në vitet e robërisë e mbante me krenari rolin e përkrahjes në zhvillimet historike të Kosovë, e humbi bukën, e humbi pasurinë pensionale dhe krenarinë e saj, duke u kthyer mjerueshëm në lypsare e këtyre matrapazëve, e mashtruar apo nënshtruar, u detyrua për i votuar sunduesit e saj, grabitësit e saj, edhe pa dëshirën e saj, -por mbi të gjitha…,-çka është më e keqja -kjo klasë e fuqishme dikur , u dobësua , u detyrua të emigroi jashtë vendit, si në kohërat e errëta të Serbisë.
-Pastaj, populli i Kosovës i dëmtuar rëndë, me tehun e topitur të rezistencës së domosdoshme (disi i lodhur) mos vallë nuk po e kuptonte apo s´ dinte çfarë po e priste me bisedimet në Vjenë; apo më saktë si faktorë të dobët, klasa politike e kishte bërë qëllimisht të tillë, prandaj -punëtorët s´ i pyeti askush?!!!
-Bisedimet me armiqtë e egër me ndërmjetësimin e miqve të tyre serbo-ruso-europianë, i kundërshtoi fort VV, me në krye Albin Kurtin; mirëpo si një organizatë e re, e cila po merrte përditë fuqinë e një partie të vërtetë opozitare; atë, gjithashtu nuk e përfillën partitë në pushtet si PDK-ja, LDK-ja dhe satelitët e tyre; ato pranuan të vazhdojnë bisedimet pa kushte edhe e Bruksel me Serbinë armike, pastaj, në Kuvendin e Kosovës pa pikë turpi e pranuan heqjen e Flamurit Kuqezi nga institucionet e kësaj republike “sovrane”; me Paketën famëkeqe të Ahti Sarit e cila sipas nenit 3 e ndalon bashkimin e Kosovës me ndonjë shtet tjetër, pra aludon në Ribashkimin tonë kombëtar, me Shqipërinë, erdhi pastaj si “dhuratë” e bisedimeve, fusnota famëkeqe, ku në Konferencat ndërkombëtare Kosova-nuk figuron si Republikë, edhe sot pas 15 vitesh, Kosova nuk e ka ushtrinë e saj, asaj i premtojnë se do ta ketë një ushtri të ardhshme prej 3. 500 ushtarë “supermenët” me pushkë e alltia, -kësaj ushtrie të ardhshme???!!! -nuk i lejohen topa as raketa, aeroplanë luftarak e të tjera armë të rënda -të cilat ushtritë e shteteve fqinje i kanë si ushtritë tjera kudo nëpër botë, madje kësaj ushtri e”të fuqishme” i sugjerohet e paralajmërohet se, do t´i ndalohej me dalë në pjesën veriore të Kosovës;pa lejen e NATO-s, andej ku është “pjesa më e nxehtë”, më e pasigurt për qytetarët e saj, e cila përditë sulmohet nga bandat kriminale serbe -tashmë të veshura edhe me pushtet paralel në Kosovë, nën emblemat kriminale të regjimit të Serbisë okupatore.
Po, a ka dikund në ndonjë shtet sovran të botës, që ushtrisë së tij i ndalohet të del në ndonjë pjesë të atdheut që e mbron?!!! “Specialitet”, i radhës apo jo?!!!
-Euro-amerikanët po tregohen shumë dorëlirë dhe të pacipë, njëkohësisht kur po sjellin në tryezën e kohës-prapakthime të tilla historike, vetëm për Kosovën dhe shtetin amë të saj, Shqipërinë!
-Euro-amerikanët, na e servirën “me vullnetin tonë” edhe vetëdënimin, pra dënimin e ushtarëve dhe komandantëve të UÇK-së me Gjykatën Speciale e të tjera gjellëza do të vinë… -si kjo gjella e helmuar kundër RIBASHKIMIT TONË ME NËNËN SHQIPËRI…;-kjo u tha qartë pa dorashka -kur Kryeministri, Edi Rama e shtroi hapur para botës “demokratike” këtë kërkesë madhore gjithë kombëtare, ” Specialitete” të tilla, gjellëra me erëza pise tradhtie, nuk servirën askund tjetër në republikat ish-jugosllave, ndonëse edhe atje pati luftëra të përgjakshme gjenocidale -si ajo në Bosnjë që zgjatën katër vite; askush nuk u kujtua që për për miken e tyre Serbinë fashiste -të bëjë specialitete të tilla, përkundrazi, e shpërblyen…!
-Si duket, imperialistët e vjetër e të rinj, Shqipërinë -Kosovë, “e kishin dhe e kanë për zemra, e kishin dhe e kanë edhe sot e sot,-gocë “hasrete”; – pra gocë dëshiri…!!!
Deri kur?!!!
18 Prill. 2015
