Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Falënderimi i Kryetarit Haliti për Shoqatën Bamirëse “Jetimat e Ballkanit”
I nderuari Halil Kastrati
Të nderuar anëtarë të Shoqatës Bamirëse “Jetimat e Ballkanit” dhe të gjithë bamirësit,
në emër të qytetarëve të Komunës së Vitisë, dëshiroj të ju falënderoj të gjithë juve që sot në Komunën tonë keni sjellë ndihma ushqimore dhe higjienike për 100 familje nevojtare. Më të vërtetë këto ndihma janë të mirëseardhur, veçanërisht në këtë kohë kur për shkak të pandemisë së krijuar nga virusi COVID-19 është paralizuar jeta normale e qytetarëve tanë, në veçanti të qytetarëve vitias të cilët janë vendosur në karantinë. Prandaj me lejoni që përmes këtij postimi të shprehi falënderimet më të sinqerta për juve Halil Kastrati dhe Shoqatën Bamirëse “Jetimat e Ballkani”, por edhe për të gjithë humanistët e tjerë që në këto kohë të vështira janë pranë atyre që kanë nevojë për ndihmë. Komuna e Vitisë ju është mirënjohës të gjithë bamirësve për ndihmat e dhëna dhe ju urojmë atyre shëndet e mbarësi në jetë.
Sinqerisht
Kryetari i Komunës së Vitisë
Sokol Haliti
