Familjet skamnore në Mitrovicë ndihmohen me pako ushqimore

11/06/2016 Institucionet

Me rastin e muajit të shenjtë të Ramazanit, Drejtoria për Integrime Evropiane dhe Mirëqenie Sociale dhe Organizata bamirëse ISLAMIC RELIEF kanë shpërndarë rreth 240 pako ushqimore për familjet në nevojë sociale nga komuna e Mitrovicës.

Sipas të dhënave të drejtorisë në fjalë,  familjet nevojtare janë ndihmuar me  240 pako ushqimore me ç’rast këtyre familjeve u janë shpërndarë produkte ushqimore, siç janë miell,vaj, krip, sheqer.

”Është bërë shpërndarjen e këtyre pakove ushqimore në qytetin e Mitrovicës, për njerëzit skamnorë, në mënyrë që sadopak të ua zvogëlojmë hallet e mëdha që ata i kanë. Falë zemërgjerësisë së donatorëve vullnetmirë kemi arritur që të sigurojmë pako ushqimore për  familjet në asistencë sociale, të cilat i kemi të evidentuara në Qendrën për Punë Sociale” ka thënë drejtori i Drejtorisë për Integrime Evropiane dhe Mirëqenie Sociale, Qazim Nimani.

Mitrovica ballafaqohet më një situatë shumë të vështirë ekonomike dhe sociale. Shumë familje nuk i kanë mundësitë e duhura për të bërë një jetë normale dhe kjo ndihmë  në këtë muaj të shenjtë të Ramazanit është e mirëseardhur për të gjitha familjet skamnore të komunës sonë.

Ndryshe, Komuna e Mitrovicës, gjithmonë  gjatë muajit të madhërishëm të Ramazanit u ka dal në ndihmë me pako ushqimore familjeve të varfra, duke u përpjekur maksimalisht që me ndihma t’i përfshijë ato familje që vërtet janë në gjendje të vështirë ekonomike, që sado pak atyre t’ua zbusin varfrin.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara