mbpzhr 2018
kek baneri
valamobile
Fillimi / Lajmet / Fatmir Limaj i porositë të rinjtë që t’iu drejtohen qendrave profesionale dhe të vetëpunësohen
Fatmir Limaj: Pas transformimit të FSK-së në Ushtri të Kosovës, Kuvendi ta mandatojë ekipin negociator

Fatmir Limaj i porositë të rinjtë që t’iu drejtohen qendrave profesionale dhe të vetëpunësohen

Kryetari i Nismës Socialdemokrate, Fatmir Limaj, në një takim me të rinjtë e Vushtrrisë dhe të Mitrovicës, ia ka porositur ata që t’iu drejtohen qendrave profesionale dhe të vetëpunësohen. Zv.kryeministri i Kosovës i ka lutur të rinjtë që të mos drejtohen jashtë vendit, por të punojnë dhe të kontribuojnë në ndërtimin e shtetit të Kosovës. “Kosova ka më shumë se kurrë nevojë për energjinë e re, për ju djem e vajza që të bëheni aktivë”, ka thënë kreu i Nismës, në tubimin që është mbajtur në Shtëpinë e Kulturës në Mitrovicës. “Sot kurrkush nuk iu kërkon sakrifica kolektive, sot ne po iu themi a ka mundësi me shku në shkollë, me punu, me jua pa hajrin familja. Kështu i shërbeni Kosovës. Kjo bëhet nëse i përvjelim mëngët të gjithë dhe vendosim të punojmë”, tha Limaj. “Nuk zgjidhet me një njeri asgjë. Nuk mbarohet shteti me një njeri. Shtetin e bëjmë bashkë, duke punu bashkë. Kur e bëjmë bashkë, bëjmë diçka të mirë”. “Qindra djem e vajza kryejnë përditë fakultet po niveli intelektual nuk po ecë. Fatkeqësisht ka djem e vajza që shkojnë në fakultet dhe nuk mësojnë asgjë. Pse sot mos me e provu me shku me marrë zanat, me shku në kurs, me hi në një profesion dhe përmes atij zanati me zënë një vend pune”, ka theksuar lideri i Nismës Socialdemokrate. “Dikush mendon që bota është si në MTV dhe mezi pret me shku. Por, kudo që shkon pa punë nuk ka asgjë. Atje bile të thyhet kurrizi dyfish. Kahdo që shkoni, kurrë më mirë se Kosovën nuk do të gjeni”, është shprehur Limaj. “Jam duke ju folë si prind, jo si politikan, si vendas i juaj, nisjani bëni diçka, krijoni shprehinë e punës”.

Kontrolloni gjithashtu

Pëllumb Xhufi

Pëllumb Xhufi: Edi Rama në formë të papërshtatshme, provokative e jo serioze është duke i trajtuar studentët

Historiani dhe analisti i mirënjohur Pëllumb Xhufi  konsideron se kryeministri Edi Rama i mëshon gjithnjë ...