Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mes të ngërçit institucional, kreu i Nismës Socialdemokrate, Fatmir Limaj, ka deklaruar se është i gatshëm të ulet në tryezë me kryeministrin Albin Kurti për të diskutuar rrugët e mundshme të daljes nga kriza. “Besoj gjatë javës pimë kafe me Kurtin. Kur ta caktojmë. Duhet me bisedu për me dalë prej kësaj situate. Gjëja më e zakonshme është bërë e jashtëzakonshme,” tha Limaj para gazetarëve. Ai theksoi se partia që ai përfaqëson mbetet e hapur për bashkëpunim dhe përpjekje që synojnë zhbllokimin e procesit të konstituimit të Kuvendit. “Do të bisedoj me kryeministrin për të parë mundësitë – çka varet nga ne dhe si mund të tejkalohet kjo krizë. E rëndësishme është të bëjmë më të mirën për vendin. Jemi të hapur për bashkëpunim,” shtoi ai. Deklarata e Limajt vjen në një kohë kur dështimi për konstituimin e Kuvendit është përsëritur për herën e 47-të, duke rritur presionin publik e ndërkombëtar për gjetjen e një kompromisi mes partive politike.
