Fermerët e Skenderajt marrin njohuri rreth Bimëve Mjekuese Aromatike (BMA)

25/08/2018 Institucionet

Të premten në një nga sallat e objektit të Komunës së Skenderajt, është mbajtur takimi informues me fermerë të komunës, organizuar nga Iniciativa për Zhvillimin e Bujqësisë në Republikën e Kosovës (IADK) dhe ndihmuar nga Drejtoria për Bujqësi, Pylltari dhe Zhvillim Rural, me temën e diskutimit “Mbështetja e zinxhirit të vlerave të Bimëve Mjekuese Aromatike (BMA), përmes krijimit të punësimit, prodhimit dhe eksportit të këtyre bimëve të cilat kanë potencial të madh në zhvillim ekonomik të vendit. Sipas përfaqësuesve të IADK-së, objektivi i përgjithshëm i këtij projekti është përmirësimi i qëndrueshmërisë së zinxhirit të vlerës për sektorin e bimëve mjekuese aromatike (BMA), përmirësimi i konsistencës në furnizimin dhe mbledhjen e këtyre bimëve si dhe ngritjen e kapaciteteve për pikat e grumbullimit të BMA-së, dhe prodhuesit primar në konvertim të këtyre bimëve në bimë organike. Me anë të këtij projekti, do të mbështeten fermerët kryesisht në zonat rurale, përmes shpërndarjes së granteve dhe asistencës profesionale, me qëllim të krijimit të të ardhurave dhe përmirësimin e gjendjes ekonomike për ekonomitë familjare.

Kontrolloni gjithashtu

Kryetari Haliti ka pritur në takim mësimdhënësin vitias, Nefail Rrahimi

Kryetari i komunës së Vitisë, Sokol Haliti, ka pritur sot në takim mësimdhënësin vitias, Nefail …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara