Fillon asfaltimi i rrugës Gurbardh-Dragobil (Pallanaka)

03/04/2019 Institucionet

Në kuadër të investimeve kapitale dhe realizimit të projekteve në ndërtimin e infrastrukturës rrugore në Komunën e Malishevës, ka filluar asfaltimi i rrugës që lidhë fshatrat Gurbardh dhe Dragobil, përkatësisht lagjen Pallanka. Në fillimin e asfaltimit të kësaj rruge, ishte i pranishëm edhe nënkryetari i Komunës së Malishevës, Hajdin Berisha, i cili i ka uruar banorët për këtë rrugë. “Uroj që banorët e këtyre dy fshatrave, si dhe të fshatrave tjerë, pasi kjo rrugë shërben edhe si rrugë transite, ta gëzojnë rrugën e re, e cila shkurton për dhjetëra kilometra lidhjen mes dy fshatrave, por në të njëjtën kohë lehtëson edhe lëvizjen e fshatrave tjerë të Malishevës, të cilët lëvizin nëpër këtë rrugë, që lidhet edhe me qendrën komunale, por edhe me qytetet tjera”, ka thënë nënkryetari Berisha, me rastin e fillimit të asfaltimit të kësaj rruge. Rruga Gurbardh-Pallanka, ka një gjatësi prej 850 metra, me gjerësi prej 5.5 metrave dhe ka rëndësi të madhe, pasi banorët e këtyre dy fshatrave, është dashur që së pari të shkojnë në Malishevë, e pastaj të mbërrijnë tek njëri tjetri, duke e shkurtuar rrugën për më shumë se dhjetë kilometra. Kjo rrugë, përveç që lidhë fshatrat Dragobil e Gurbardh, lidhë edhe Mirushën dhe Burimin dhe është një lloj transiti, pasi fshatrat në pjesën perëndimore dhe veriperëndimore të Malishevës, mund ta shfrytëzojnë këtë rrugë, për tu lidhur në magjistralen Malishevë-Rahovec në drejtim të Prizrenit e Gjakovës, sikur që lidhë edhe me rrugët që shkojnë në drejtim të Suharekës.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara