Fillon studimi i fizibilitetit për krijimin e rrjetit të shtigjeve turistike në Ferizaj

Ka filluar studimi i fizibilitetit për ndërtimin e rrjetit të shtigjeve turistike në rajonet malore të Ferizajt, me theks në territorin e fshatrave Burrnik, Jezerc, Pleshinë dhe Nerodime. Rajoni do të rrjetizohet dhe digjitalizohet konform standardeve bazike të zhvillimit të turizmit dhe aktiviteteve malore. Komuna e Ferizajt si bartëse e projektit përmes Drejtorisë së Zhvillimit Ekonomik dhe Turizmit si dhe me përkrahje nga Swisscontact ( FEGO) është e vendosur që ky projekt të zhvillohet dhe si i tillë të jetë në shërbim të banorëve të Ferizajt dhe gjithë vendit, gjithnjë duke i vënë në pah resurset natyrore dhe etno-kulturore të këtyre trevave. Shërbimet dhe produktet turistike që do të burojnë nga ky projekt do të ndikojnë dukshëm në përmirësimin e jetës së banorëve të zonës, por edhe në promovimin e natyrës dhe kulturë sonë. Drejtoria e Zhvillimit Ekonomik dhe Turizmit me Drejtorin Balton Dërguti, janë gjithnjë në terren dhe në ndihmë të alpinistëve të angazhuar në projekt, duke i përkrahur me info kadastrale dhe etno-grafike gjatë gjithë jetë-ciklit; gjithashtu edhe duke u kujdesur që studimi dhe punimet të jenë konform normave ambientaliste dhe brenda veprimeve racionale në shtigje. Koordinator i projektit për terren është alpinisti Besnik Reka me ekipin e terrenit Abdurrahim Haxhidema, Bekim Fazliu, Driton Ismani, Mentor Musliu, Faruk Mustafa, Florir Rexhepi, si dhe alpinistë të tjerë nga komuniteti i pasur bjeshkatar i Ferizajt. Implementimi i projektit bëhet nga Klubi Alpin Prishtina përmes Nazmi Hasanramaj dhe Kristian Gashi.

Mund të jetë një imazh i 10 persona, njerëz në këmbë, pemë dhe ambiente të jashtme

Kontrolloni gjithashtu

Komiteti për Politikë dhe Financa ka mbajtur mbledhjen e rregullt

Këtë të mërkurë Kryesuesi i Kuvendit të Komunës së Ferizajt Xhavit Zariqi, ka mbajtur mbledhjën …