Filluan punimet në zgjerimin e rrugës Vërban – Sadovinë e Jerlive

29/10/2019 Institucionet

Në Vërban të Vitisë, kanë filluar punimet në zgjerimin e rrugës që lidhë këtë lokalitet me fshatin Sadovinë të Jerlive. Me këtë rast Kryetari i Komunës së Vitisë, Sokol Haliti me bashkëpunëtor dhe banorë të fshatit Vërban kanë marrë pjesë në përurimin e fillimit të punimeve. Me këtë rast Kryetari Haliti potencoi se Komuna e Vitisë po realizon edhe një projekt të rëndësishëm infrastrukturorë. ,,Po vazhdojmë me realizimin e projekteve në komunën e Vitisë, jemi në fshatin Vërban ku sapo kanë filluar punimet në zgjerimin e rrugës aktuale. Me këtë projekt rritet siguria e pjesëmarrëseve në trafik”, u shpreh Kryetari Haliti. Ndërkaq financimi i këtij projekti po bëhet nga buxheti komunal i Vitisë dhe pos zgjerimit të rrugës aktuale, parashihet të bëhet edhe zgjerimi i urës. Përndryshe realizim i këtij projekti është mirëpritur nga banorët të cilët edhe kanë marrë pjesë në përurimin e fillimit të këtyre punimeve.

Kontrolloni gjithashtu

Kryetari Haliti ka vizituar fshatin piktoresk Lubishtë

Kryetari i komunës së Vitisë Sokol Haliti, ka vizituar fshatin piktoresk Lubishtë të Vitisë, aty …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara