Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Misioni faktmbledhës i Platformës së Këshillit të Evropës për Sigurinë e Gazetarëve ka publikuar raportin “Kosovë: Rikthimi i lirisë së mediave pas rënies”, në të cilin konstatohet se liria e medias në Kosovë është përkeqësuar si pasojë e ndërhyrjeve politike, sulmeve verbale ndaj gazetarëve dhe dobësimit të pavarësisë së institucioneve mediale. Lidhur me gjetjet e raportit ka folur ekspertja e mediave, Flutura Kusari, ka theksuar se dokumenti identifikon qartë faktorët që kanë ndikuar në rënien e lirisë së medias gjatë viteve të fundit. “Raporti flet qartë për rënie të lirisë së mediave në Kosovë, sidomos në tri vitet e fundit. Kanë ndikuar shumë faktorë, por përgjithësisht raporti tregon se kjo lidhet me faktorin politik dhe me qasjen e partisë në pushtet ndaj mediave. Partia në pushtet përmendet në mënyrë specifike”, deklaroi Kusari. Sipas raportit, garantimi i pavarësisë së mediave dhe mbrojtja e gazetarëve nga presionet politike mbeten elemente kyçe për forcimin e demokracisë dhe sundimit të ligjit në Kosovë. Dokumenti u bën thirrje institucioneve që të ndërmarrin masa konkrete për përmirësimin e mjedisit të punës së gazetarëve dhe respektimin e lirisë së shprehjes.
