Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kriza në tregjet financiare globale dhe konkurrenca e egër kapitaliste gjatë muajve të fundit, është duke ndikuar jashtëzakonisht shumë edhe në investimet e jashtme të Fondit Pensionist të Kosovës, i njohur si Trust. Ky fond deri në gusht ka humbur 161 milionë euro nga rënia e vlerës së aseteve të saj në këto tregje. Në raportin më të fundit të Bankës Qendrore të Kosovës ku shpalosen informatat mujore të sistemit financiar në vend, në muajin gusht të këtij viti, kthimi në investimet e Trustit ishte -161 milionë euro. Ekspertë të çështjeve ekonomike vlerësojnë se derisa çrregullimet në tregjet ndërkombëtare të vazhdojnë, paratë e kontribut-paguesve do të shënojnë vazhdimisht humbje. Vlera e aseteve të jashtme neto të investuara nga Fondet Pensioniste të Kosovës deri në muajin gusht të këtij viti, ishte gjithsej 1 miliardë e 613 milionë euro. Vlera e përgjithshme e aseteve të Fondit Pensionist të Kosovës është 2 miliardë e 283 milionë euro, prej të cilave 2 miliardë e 274 milionë i takojnë Fondit të Kursimeve Pensioniste të Kosovës.
