Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës ka ndihmuar familjet në nevojë në komunën e Mitrovicës. Gjatë këtij aksioni humanitar, pjesëtarët e Forcës së Sigurisë së Kosovës kanë shpërndarë mjete financiare dhe pako higjienike e ushqimore. Këto mjete janë grumbulluar gjatë aksionit vullnetar “Vrapo me FSK-në, Mitrovica 2017”, i cili u organizua gjatë muajit prill nga ushtarët dhe oficerët e FSK-së. Gjatë shpërndarjes së këtyre fondeve, përveç oficerëve të FSK-së, i pranishëm ishte edhe drejtori i Drejtorisë për Integrime Evropiane dhe Mirëqenie Sociale, Qazim Nimani, i cili përgëzoi FSK-në për realizimin e këtij aksioni dhe njëherësh falënderoi pjesëtarët e saj për ndihmën e ofruar, të cilën e vlerësoi si mjaft të nevojshme për qytetarët e kësaj komune.
