Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës, po merr pjesë në Operacionin Interflex në Mbretërinë e Bashkuar, një iniciativë ndërkombëtare për trajnimin e ushtarakëve ukrainas në përballje me agresionin rus, njofton Gazeta Metro. Kontingjenti i katërt i FSK-së është pjesë e Kompanisë Echo, një njësi ndërkombëtare që përbëhet nga trupa nga Zelanda e Re, Estonia, Lituania dhe Kosova. Pjesëtarët e FSK-së kryejnë detyra që përfshijnë planifikimin, logjistikën dhe realizimin e kurseve intensive 5-javore për forcat ukrainase. Deri tani, Kompania Echo ka përfunduar tre kurse stërvitjeje. Misioni i kontingjentit kosovar përfshin përgatitjen e pjesëtarëve të ushtrisë ukrainase për udhëheqjen e skuadrave dhe zhvillimin e aftësive taktike nga niveli individual deri në operacionet e skuadrës, duke përfshirë patrullat, manovrat sulmuese dhe mbrojtëse. Ky angazhim i FSK-së tregon kontributin e Kosovës në misionet ndërkombëtare të sigurisë dhe bashkëpunimin ushtarak me partnerët globalë në trajnim dhe zhvillim të kapaciteteve operacionale.
