Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari amerikan për Ballkanin Perëndimor, Gabriel Escobar ka thënë për “Zërin e Amerikës” se Qeveria e Kosovës e ka pranuar Asociacionin e Komunave me shumicë serbe, edhe pse këtë e ka bërë me vështirësi të mëdha. Në një intervistë për Zërin e Amerikës, Escobar ka deklaruar se kemi parë një evoluim të jashtëzakonshëm në qëndrimin e qeverisë së Kosovës dhe në veçanti të kryeministrit, për të pranuar këtë detyrim ligjor. Është një detyrim ekzistues në bazë të marrëveshjes së Brukselit dhe ishte shumë e vështirë për këtë qeveri dhe parti që ta pranonte si të detyrueshme, Ecobar, konstaton se tani ka mbetur vetëm që të përcaktohen korniza dhe parametrat e Asociacionit dhe të pajtohemi me këto parametra. Në takimin e dy liderëve Albin Kurti dhe Aleksandar Vuçiq në fillim të muajit maj, kërkoj të shohë një projekt-plan konkret të Kosovës për Asociacionin, ka saktësuar mes tjerash, emisari amerikan për Ballkanin Perëndimor, Gabriel Escobar.
