KEK
Fillimi / Institucionet / Garimi i futbollisteve të Kosovës në Ligën e Kampionëve, sukses historik

Garimi i futbollisteve të Kosovës në Ligën e Kampionëve, sukses historik

Ministri i Kulturës, Rinisë dhe Sportit, Kujtim Shala, ka takuar të hënën drejtuesit e Klubit futbollistik të femrave “Hajvalia” dhe futbollistet e këtij klubi, të cilët i përgëzoi për sukseset e arritura në garat e Kosovës.

Po ashtu, ministri Shala i uroi sukses këtij klubi në ndeshjet kualifikuese për Ligën e Kampionëve, duke e vlerësuar këtë pjesëmarrje të femrave të Kosovës në këto gara si sukses historik të futbollit të femrave dhe të sportit tonë.

Shala, u shpreh se MKRS-ja po investon në terrene sportive në Kosovë, me një përqendrim në Stadiumin e Prishtinës dhe atë “Adem Jashari” në Mitrovicë, meqë këto dy stadiume janë më afër plotësimit të standardeve të kërkuara nga UEFA dhe FIFA.

Ai më tej u shpreh se MKRS-ja do të përkrahë “Hajvalinë” në garat kualifikuese që do t’i zhvillojë sivjet.

Ndërsa drejtuesit e KF “Hajvalisë” e falënderuan ministrin Shala për përkrahjen vazhdueshme që po i jep sportit të Kosovës, dhe u shprehën se me këtë pjesëmarrje, futbolli i femrave të Kosovës po forcohet dhe po shënon një avancim të rëndësishëm ndërkombëtar.

 

Kontrolloni gjithashtu

KEK dhe FIEK zotohen për thellimin e bashkëpunimit

Në frymën e zhvillimit të një edukimi universitar sa më të afërt me industrinë, u.d. ...