Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës njofton se në selinë e saj në Prishtinë, ka qëndruar për vizitë gjenerali amerikan, Wesli Klark. Ai është nderuar nga kryetari i LDK-së, Lumir Abdixhiku me dekoratën “Ibrahim Rugova” për rolin dhe kontributin e tij për çlirimin e Kosovës. “Prania juaj sot këtu është një dëshmi e thellë e lidhjeve të qëndrueshme të miqësisë dhe solidaritetit që keni përfaqësuar përmes shërbimit tuaj të jashtëzakonshëm dhe mbështetjes themelore për popullin e Kosovës. Gjeneral Clark, emri juaj është i gdhendur në themelet e historisë së Kosovës si simbol i guximit, lidershipit dhe i një përkushtimi të palëkundur për drejtësi dhe paqe. Zoti ju bekoftë juve dhe popullin e Amerikës” ka thënë në mes tjerash gjatë dhurimit të dekoratës, kryetari i Lidhjes Demokratike të Kosovës, Lumir Abdixhiku.
