Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale, në Hagë, kanë vendosur të vazhdojnë masën e paraburgimit ndaj Rexhep Selimit dhe Jakup Krasniqit edhe për dy muaj të tjerë. Në vendimet e datës 13 janar 2025, trupi gjykues ka urdhëruar Zyrën e Prokurorit, që deri më 21 shkurt 2025 të dorëzojë shkresat për rishqyrtimin e ardhshëm të masës së paraburgimit. Edhe pse paneli ka konstatuar se nuk ka informacione të mjaftueshme që tregojnë se të akuzuarit mund t’i shmangen drejtësisë, është vlerësuar se ekziston rreziku i pengimit të procedurave dhe i kryerjes së krimeve të tjera ndaj kundërshtarëve të perceptuar të UÇK-së, përfshirë dëshmitarët. Në të dy vendimet, Prokuroria pretendon se nuk ka ndryshime nga vendimet e mëparshme dhe se paraburgimi mbetet masë proporcionale për të menaxhuar rreziqet. Paneli ka përfunduar se asnjë masë alternative nuk mund të menaxhojë në mënyrë efektive këto rreziqe.
