Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme dhe Evropiane i Kroacisë, Gordan Grlić Radman, ka deklaruar se ndërhyrja e NATO në Kosovë në vitin 1999 shpëtoi jetë dhe parandaloi një katastrofë humanitare, edhe pse nuk kishte mandat nga OKB. Duke folur pas mbledhjes së kryesisë së Bashkimi Demokratik Kroat (HDZ), ai theksoi se që nga viti 1945 janë zhvilluar rreth 170 konflikte pa mandat të OKB-së, ndërsa veprimet operacionale të kësaj organizate shpesh janë penguar nga vetoja në Këshillin e Sigurimit. Grlić Radman shtoi se Kroacia, si anëtare e OKB-së dhe NATO-s, ka detyrime ndërkombëtare dhe përmes misioneve paqeruajtëse dëshmon solidaritet, duke rikujtuar mbështetjen ndërkombëtare gjatë Luftës së Atdheut. Ai komentoi edhe tensionet në Lindjen e Mesme, duke shprehur shqetësim për mungesën e rezultateve në ndalimin e programeve raketore dhe bërthamore të Iranit, si dhe për vendimin e presidentit Zoran Milanović për tërheqjen e ushtarëve kroatë nga Iraku dhe një mision në Liban.
