Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i OVL-UÇK-së, Hysni Gucati, ka reaguar ashpër ndaj pranimit të provave të reja nga Gjykata Speciale, të cilat sipas tij, janë marrë nga institucionet e sigurisë së Serbisë, përfshirë edhe MUP-in serb. Ai tha se ky veprim është i papranueshëm dhe dënueshëm, pasi, sipas tij, ky institucion serb ka qenë pjesë e krimeve të luftës në Kosovë.
Gucati kërkon që institucionet vendore dhe ato ndërkombëtare të reagojnë urgjentisht, ndërsa kritikoi ministren në detyrë të Drejtësisë, Albulena Haxhiu, për një reagim që ai e konsideron të vonuar. Sipas tij, Haxhiu duhet të informojë urgjentisht institucionet e Bashkimit Evropian dhe Këshillin e Evropës për këtë zhvillim shqetësues.
Ndërkohë, Dhomat e Specializuara në Hagë kanë pranuar një sërë dokumentesh si prova në rastin ndaj ish-krerëve të UÇK-së: Hashim Thaçi, Kadri Veseli, Rexhep Selimi dhe Jakup Krasniqi. Dokumentet thuhet se janë siguruar nga Ministria e Brendshme e Serbisë dhe Shërbimi i Sigurimit Shtetëror të këtij shteti.
