Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri Isa Mustafa ka kritikuar ashpër Qeverinë në detyrë dhe ministrat, duke thënë se mungesa e kontrollit parlamentar po shfaq pasoja serioze, veçanërisht në sektorin e energjisë.
Përmes një postimi në Facebook, Mustafa e ka cilësuar si të papërgjegjshme përkrahjen që, sipas tij, ministria e Ekonomisë po i jep sjelljes së ZRrE-së për imponimin e tregut të lirë të energjisë, përkundër vendimeve të gjykatave dhe dëmeve që po i shkaktohen sektorit privat.
Ai thekson se vendimet për tregun e lirë nuk i takojnë ZRrE-së, por duhet të respektojnë ligjet dhe gjykatat, që mbrojnë bizneset, punëtorët dhe investimet.
“Duhet të ruhemi nga pasojat e mendësisë dhe veprimeve shkatërruese,” ka shkruar Mustafa, duke paralajmëruar se nëse shkatërrohet edhe kjo ekonomi, atëherë rrezikohet vetë ekzistenca e shtetit.
