Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale në Hagë ka kërkuar edhe 60 ditë shtesë për të shpallur aktgjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, duke u arsyetuar me “volumin e madh të provave” dhe “kompleksitetin e rastit”. Pas vitesh të tëra procesi, mijëra dokumenteve, qindra dëshmive dhe seancave të panumërta, qytetarët e Kosovës po përballen sërish me shtyrje e paqartësi nga një gjykatë që vazhdon të mbajë peng një nga proceset më të rëndësishme për historinë e luftës së UÇK-së. Në vend se të sjellë drejtësi të shpejtë dhe të paanshme, Haga po krijon përshtypjen e një procesi të pafund, ku çdo afat mund të zgjatet përsëri me një vendim tjetër. Kjo vonesë e re ka ngritur kritika të shumta, pasi shumëkush e sheh si zvarritje të qëllimshme dhe presion psikologjik ndaj ish-krerëve të UÇK-së dhe familjeve të tyre. Gjykata ka bërë të ditur se data e aktgjykimit do të publikohet vetëm pasi Trupi Gjykues të marrë një vendim final.
