Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Partisë Demokratike të Kosovës, Hajdar Beqa, ka vizituar sot ish-krerët e Ushtrisë Çlirimtare të Kosovës, të cilët po mbahen në paraburgim në Hagë. Lajmin e ka bërë të ditur vetë Beqa përmes një postimi në rrjetin social Facebook, ku ka publikuar edhe dy fotografi nga kjo vizitë. Në reagimin e tij, ai është shprehur i bindur se ish-udhëheqësit e UÇK-së do të kthehen shumë shpejt në Kosovë si fitimtarë dhe se rikthimi i tyre do t’u japë institucioneve dhe qytetarëve dinjitetin e munguar. “Sot, vizitë te Çlirimtarët tanë në Hagë. Forca e tyre qëndron e palëkundur, sepse pas tyre qëndron një popull i tërë. Shumë shpejt do të kthehen në atdhe, triumfues, për t’i rikthyer institucioneve dhe qytetarëve dinjitetin e merituar”, ka shkruar Beqa.
