Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-eprori i lartë i UÇK-së, Sadik Halitjaha, ka reaguar pas heshtjes së çuditshme institucionale ndaj ndërtimeve në veri të vendit nga serbët. Ai këtë dukuri e ka quajtur proces rikolonizues dhe ripushtim të vendit pa luftë, dy dekada pas luftës çlirimtare.“Heshtja e pushtetarëve të Kosovës për bamat dhe të pa bamat e serbëve e të Serbisë që veprojnë në Kosovë është e qëllimshme dhe vasale! Të rikolonializohet Kosova pas njëzet vite çlirim, të ndërtohen vendbanime te reja fshatra te pa qena e të rikthehen koloni të reja në shekullin XXI dhe gjithë kjo të kalojë në heshtje, nuk mund të tejtë ndryshe por është e qëllimshme. Të pranosh të dialogosh për kthimin e kolonëve do të thotë ma shumë se vasalitet, pranim i ripushtimit pa luftë turp dhe faqja zezë”. ka shkruar Halitjaha.
Ai thotë së është e paarsyeshme kjo pritje në heshtje e pushtetarëve tonë që nuk reagojnë. Sipas tij kjo është tregues i mishëruar më shekuj që të durojmë dhe të vazhdojmë të durojmë. “A mos vallë presin pushtetarët tanë që vet të bëhen të mëshirshëm serbët kolonizatorë?! A mos vallë presin nga Evropa, që na ndau copë-copë në katër shtete dhe pranë syve të tyre u dëbuam nga atdheu ynë, në Turqi me mijëra e miliona shqiptarë të degdisur nëpër botë. I mjerë ky popull nga qeverisjet e keqija kundër-popullit. Apatia e popullit tonë është e çuditshme, a thua humbje e shpresës apo shpërlarje e trurit?. Si duket pushtuesit shekullorë e kanë mësuar të durojnë pafund dhe të i akceptojnë gjërat e jashtëzakonshme si të zakonshme! Si rregull, çdo gjë ka fund. Ma mirë një fund qoftë edhe i keq, se sa një e keqe pa fund”, ka theksuar, Sadik Halitjaha.
