Ramush Haradinaj

Haradinaj: Kufiri me Malin e Zi është në Çakorr

Kandidati për kryeministër nga koalicioni PDK-AAK-Nisma, Ramush Haradinaj, ka thënë se besimin që ka arritur ta marrë nga qytetarët dhe subjektet politike do ta përdorë për të mirën e vendit. “Besimi që kam marrë nga qytetarët dhe disa subjekte politike do ta përdori për të mirën e vendit dhe jo për interesat politike të partisë”, ka thënë Haradinaj në fshatin Shqiponjë të Gjakovës, ku ishte pjesëmarrës në memorialin përkujtimor me rastin e përkujtimit të 33 dëshmorëve të rënë. Haradinaj ka folur edhe për temat e ndjeshme aktuale në vend. Ai ka theksuar se kufiri i Kosovës është në Çakorr. “Kosova është e vogël nuk ka vend për asociacion. Kufiri i Kosovës është në Çakorr. Në Kosovë nuk ka vend për jug e për veri, në Kosovë nuk do të ketë vend për Serbinë”, ka thënë Haradinaj. Ai në këtë tubim ishte bashkë me partnerin e ri të koalicionit parazgjedhur, liderin e PDK-së, Kadri Veselin.

 

Kontrolloni gjithashtu

Albin Kurti: Vetëvendosja ka garuar në zgjedhjet e fundit me platformën për punësim dhe drejtësi, jo për rritje pagash

Kryeministri, Albin Kurti, ka thënë sot para deputetëve, në Kuvend,   se pakoja për përballje me …