Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një intervistë për Dojçe Vele, kryetari i Kosovës, Hashim Thaçi ka deklaruar se dialogu i Kosovës me Serbinë do të vazhdojë në nivel të kryetarëve të dyja vendeve dhe do të zhvillohet në Bruksel. Po bëhen përpjekje të punohet në një qasje që të kemi sa më shpejt një kornizë të gjerë politike të marrëveshjes që do të çonte drejt një fqinjësie të mirë, bashkëpunimit, normalizimit dhe pajtimi ndërshtetëror. I pyetur rreth kritikave të ashpra ndaj BE-së dhe komisarit për Zgjerim Johanes Hahn, Thaçi ka deklaruar se nuk heq asnjë fjalë asaj çfarë kam thënë më herët. Unë nuk kam kritikuar, por kam shprehur shqetësimin e vonesës së BE-së me Kosovën dhe vendet e tjera të Ballkanit. Kjo vonesë dhe ky hendek që është krijuar, ka krijuar hapësirë për ideologji jo euroatlantike në rajonin tonë. Prandaj është koha që edhe Brukseli të lëvizë më shpejtë në mënyrë me dinamike në afrimin e Kosovës me BE-në. Brukseli nuk mund të sillet neutral me një vend të pavarur dhe sovran, ka thënë mes tjerash, kryetari i Kosovës Hashim Thaçi.
