Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lëvizjes Vetëvendosje, Hekuran Murati, ka reaguar pas refuzimit nga partitë opozitare për të pranuar votimin e fshehtë për zgjedhjen e kryetarit të Kuvendit të Kosovës, duke i akuzuar ato për bllokimin e procesit të konstituimit të Kuvendit. Murati theksoi se qëndrimet e Partisë Demokratike të Kosovës, Lidhjes Demokratike të Kosovës, Aleancës për Ardhmërinë e Kosovës, dhe Listës Serbe janë të njëjta dhe përbëjnë një pengesë për zhvillimin e vendit. “PDK, LDK, AAK dhe Lista Serbe refuzuan ta zhbllokojnë procesin,” tha Murati, duke shtuar se qëndrimet e këtyre partive janë “joracionale” për shkak se në legjislaturën e kaluar ato ishin në opozitë dhe tani, në pozitë, po përpiqen të pengojnë procesin. Ai gjithashtu theksoi se LVV mbetet e palëkundur në qëndrimin e saj se Albulena Haxhiu duhet të zgjidhet kryetare e Kuvendit dhe nuk do të tërhiqet nga ky qëndrim, duke theksuar se kjo është në përputhje me interesin e shtetit dhe të qytetarëve të Kosovës.
