Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mandatari dhe lideri i VMRO-DPMNE-së, Hristijan Mickoski, në dhomën ligjdhënëse të Kuvendit të Maqedonisë së Veriut e ka dorëzuar propozimin për përbërjen e qeverisë dhe programin për punën e saj, pasi të dielën në mbrëmje Komiteti ekzekutiv dhe komiteti qendror i kësaj partie konfirmuan pesëmbëdhjetë anëtarët. Mickoski ka theksuar se qytetarët kanë pritshmëri të mëdha, sepse siç ka thënë ai, në shtatë vitet e fundit vendi është pushtuar nga disa pushtetarë. Sapo kam dorëzuar programin e propozuar për qeverinë e ardhshme të udhëhequr nga VMRO-DPMNE. Së bashku me programin, si listë shoqëruese është dorëzuar lista e anëtarëve të qeverisë së ardhshme dhe biografitë e tyre. Pres që të vihet para deputetëve këtë fundjavë, pra më 22-23 qershor. Qytetarët presin rezultate të shpejta për atë që premtoi kjo qeveri. Nuk premtuam shumë gjatë fushatës, por besuam se vendi do t’i përkiste edhe një herë qytetarëve. Për shtatë vitet e fundit, shteti u robërua nga disa pushtetarë”, ka thënë Mickoski.
