Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Lidhjes Demokratike të Kosovës, Hykmete Bajrami, ka kritikuar ashpër kryeministrin në detyrë, Albin Kurti, për, siç tha ajo, shkelje të Kushtetutës dhe degradim të institucioneve. Bajrami theksoi se Lëvizja Vetëvendosje po funksionon me logjikën e mandateve të vitit 2021, ndërkohë që, sipas saj, Kurti po qëndron në pushtet në mënyrë jokushtetuese, duke u mbështetur në votat e një deputeti që ka edhe pozitë ekzekutive – gjë që, siç u shpreh ajo, bie ndesh me nenin 72 të Kushtetutës. “Jemi lodhur duke ia lëshuar rrugën Albin Kurtit, ndërsa ai po sillet si përdhosës i institucioneve,” tha Bajrami, duke shtuar se po të ishte LDK në pozitën e VV-së, institucionet do të ishin konstituuar me kohë. Ajo kritikoi gjithashtu qëndrimin kontradiktor të partisë në pushtet: “Paradite shajnë e ofendojnë, pasdite dërgojnë letra për bashkëpunim.”
