Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Inspektorati i Punës ka marrë vendim që ta kthejë në punë ish-kryeshefin e Postës së Kosovës, Shefqet Avdija, i cili ishte shkarkuar nga Qeveria e Albin Kurtit. Në vendimin e Inspektoratit të Punës, thuhet se vendimi i Bordit të Përkohshëm, të Postës së Kosovës, është në kundërshtim me disa dispozita të Ligjit të Punës. “Obligohet punëdhënësi, Posta e Kosovës, të ndërmarrë këto masa. Të anulohet vendimi i datës 14.04.2020, të Postës së Kosovës, dhe të njoftojë Inspektoratin e Punës, brenda 8 ditëve për veprimet e ndërmarra në eliminimin e parregullsive juridike të konstatuara”, thuhet në vendimin e Inspektoratit të Punës. Sipas vendimit të Inspektoratit, ish-kryeshefi Shefqet Avdija, duhet të rikthehet në pozitën që ka pasur brenda 8 ditëve, pavarësisht ankesave që mund të bëhen.
