Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Irani ka ekzekutuar dënimin me vdekje të ish zëvendës-ministrit të Mbrojtjes, Alireza Akbari, pasi më parë u dënua me vdekje me akuzën e spiunimit për Britaninë e Madhe. Dënimi me vdekje i Akbarit me shtetësi britaniko-iraniane u shpall vetëm pak ditë më parë, më 11 janar, pasi ai u dënua për spiunazh në dobi të Anglisë. Sipas agjencisë iraniane së lajmeve “Tasnim”, spiunimi i Alireza Akbarit u zbulua nga inteligjenca iraniane. Po ashtu ai përshkruhet si njëri nga inflitruesit më të rëndësishëm të qendrave strategjike të vendit. Akbari ka shërbyer më parë si zëvendësministër i mbrojtjes i Iranit dhe ishte kryetar i Institutit të Kërkimeve Strategjike, si dhe njëri nga anëtarët e organizatës ushtarake që zbatoi rezolutën e Kombeve të Bashkuara që i dha fund luftës Iran-Irak. Akbari u arrestua në vitin 2019. Ai kishte shërbyer në kohën e kryetarit iranian, Muhammed Katami, një reformist që ishte në detyrë nga viti 1997 deri në vitin 2005.
