Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Vetëvendosjes, Afrim Kasolli, ka kritikuar politikën përçarëse e mashtruese të kryeministrit, Albin Kurti, të cilën po e zhvillon me shqiptarët në Maqedoninë e Veriut. Duke folur për këtë rast, veprimin e tillë e ka krahasuar me atë që ka bërë Sali Berisha në vitet e 90-ta, të cilit kur i ngushtohej hapësira për manovrim të brendshëm, përpiqej të përfitonte politikisht duke i përdorur politikanët shqiptarë që jetonin jashtë shtetit dhe duke e përkrahur herën njërin lider kundër tjetrit. Pas dështimit të turpshëm me Blerim Rekën i është kthyer përsëri kësaj aventure politike. Afrim Kasolli thotë se kjo është lojë të rrezikshme e cila bie në kundërshtim me traditat e projektit modern nacional shqiptar. Albin Kurti po gjen mbështetje edhe të politikanët mediokër sikur është kryetari i Tetovës, i cili deklaroi në tubimin e mbrëmshëm se Albin Kurti është kryeministër i gjithë shqiptarëve. Maqedonia e ka Ali Ahmetin liderin kryesor të shqiptarëve, dhe pa orientimin e tij të qartë kombëtar dhe strategjik, Maqedonia e Veriut sot nuk do të ishte në NATO as në rrugën e integrimeve euroatlantike”, ka shkruar Afrim Kasolli.
