Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryeministri, Avdullah Hoti ka kërkuar që Kuvendi i Kosovës të mblidhet në seancë të jashtëzakonshme dhe t’i shqyrtoj masat e Bashkimit Evropian që ia kanë vënë Kosovës. Ai ka shkruar se ndonëse ka kohë që Qeveria është njoftuar për këto masa, ajo nuk ka njoftuar as Kuvendin e as qytetarët e Kosovës. “Më 28 qershor 2023, BE e paska njoftuar Qeverinë e Kosovës për sanksionet e vendosura: suspendimi i MSA-së, suspendimi i projekteve që financohen nga Korniza Investuese për Ballkanin Perëndimor, pezullimi i fondeve të IPA, pezullimi i takimeve të larta dy palëshe dhe masa të tjera. Qeveria e Kosovës nuk e ka njoftuar as Kuvendin e Kosovës dhe as qytetarët për këtë situatë të re. Ku është Presidentja e vendit? Pse nuk po e ushtron funksionin e saj? Ky binom po e çojnë Kosovën në një rrugë tjetër, jo në atë të perëndimit. Një gjë është e qartë: Kosova nuk mund të udhëhiqet nga një Kryeministër dhe Presidente, të cilët i sjellin vendit sanksione në vend të integrimit euro-atlantik” ka shkruar deputeti nga radhët e Lidhjes Demokratike të Kosovës, Avdullah Hoti.
