Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-këshilltari për Siguri Kombëtar i presidentit amerikan Donald Trump gjatë mandatit të parë në Shtëpi të Bardhë, John Bolton, në një intervistë për Panorama nuk e ka përjashtuar mundësinë e rikthimit të idesë së shkëmbimit të territoreve. Bolton tutje ka thënë se stabiliteti në Ballkan dhe zgjidhja e problemit mes Kosovës dhe Serbisë është shumë i rëndësishëm për shumë arsye dhe një ndër to është minimizimi i shanseve të ndikimit të Rusisë në rajon. “Kjo është e mundshme. Besoj se stabiliteti në Ballkan dhe zgjidhja e këtij konflikti të gjatë politik është i rëndësishëm për shumë arsye. Një prej tyre është minimizimi i shanseve të Rusisë që të shkaktojë probleme në Ballkan. Nëse shikon çfarë po ndodh në Moldavi ose në raundin e parë të zgjedhjeve për president në Rumani, mendoj se ndërhyja ruse është qartësisht e pranishme”, ka thënë Bolton. Kur ka folur për gjetjen e një zgjidhjeje, Bolton ka përdorur si krahasim çështjen e emrit të Maqedonisë , duke thënë se ishte një zgjidhje e mirë për të gjithë.
