Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kur s’na voton populli,
luajmë çdo dru e gur,
në Kuvend e gjejmë nyjen,
sërish marrim udhë.
Kur s’na voton populli,
ne, e votojmë veten,
populli do të heshtë ,
është mësuar me të vjetrën ..
J.Z. , Dilbeek , më 2 prill 2020
RROFTË KARRIGA, RROFTË PARTIA !
Virusvdekësi nuk zgjedh moshë,
rrëmben pleq e të rinj,
kudo në botë- pa kufi !
Vret si reja maje lisi,
kur ju “hyni” në libër të Ginisit,
për parti e karrige,
për “miqësinë” e së vjetrës mike!
Gjurmët e juaja i “gëzon” liria,
s’ ju frigoii P A N D E M I A ?!
Rroftë karriga, rroftë partia !!!
J.Z., 26 mars 2020
KISHA DASHUR
Kisha dashur mjegullen t’ia zhvesh
këngës së vjetër,
me gjethe pranverore
plagët t’ia shëroj bilbilit
me flokët e vashave
t’ia zbukuroj shtatin
si nusen duvaku.
Kisha dashur të them atë që kurrë s’e thashë
droj që bilbilin e trazoj
në lisin e vjëter më s’do të këndojë.
NËPËR STUHI
Në maja shpatesh
e nëpër stuhi
shtegtove herë i kërrusur,
herë në kêmbë,
popull i moçëm,
i moçëm me vdekjen në dhëmbë.
E sot, në liri,
kur vret korona,
ku është bashkimi i partivive tona ?!
J.Z. 21. MARS 2020
DHELPRA
Dhelpra “bëhet” dele
me “urtësinë” e saj,
qengjit dhe drenushës
ka aftësi t’u ngjajë.
Mjegulla kur bie,
qoftë natë apo ditë,
nga frika prej ujkut,
qengjin e çon në pritë.
J.Z. , Dilbeek 19 mars 2020
