MIT KS
Fillimi / Institucionet / Ka filluar ndërtimi i fushës sportive në Bardh të Malishevës

Ka filluar ndërtimi i fushës sportive në Bardh të Malishevës

Në kuadër të realizimit të projekteve, e në veçanti në kuadër të rregullimit të infrastrukturës në shkollat e Komunës së Malishevës, ka filluar ndërtimi i fushës sportive në shkollën e fshatit Bardh. Këtë fushë, krahas nxënësve, do ta shfrytëzojnë edhe të rinjtë e fshatit. Pas ndërtimit të objektit të ri të shkollës, tani ka filluar edhe ndërtimi i fushës sportive në këtë fshat. Punimet të cilat kanë filluar sot, i ka parë nga afër edhe nënkryetari i Komunës së Malishevës, Hajdin Berisha, i cili është pritur nga drejtori i shkollës, Faton Krasniqi, dhe ky i fundit e ka njoftuar për fillimin e ndërtimit të fushës, dhe rëndësinë që ka kjo fushë për zhvillimin e procesit mësimor, por edhe për aktivitete të lira sportive. Nënkryetari Berisha, fillimisht i uroi për fillimin e ndërtimit të fushës sportive dhe tha se “kjo është vetëm një nga investimet shumta që janë duke u bërë në fshatin Bardh, por edhe një nga fushat e shumta sportive që kanë filluar apo janë në fillim e sipër të punimeve, në disa nga fshatrat e Komunës së Malishevës”. Fusha sportive në Bardh, mundësohet nga buxheti i Komunës së Malishevës, me një shumë prej afro 42 mijë euro, dhe dimensionet e fushës janë standarde të fushave të vogla të futbollit, 44 metra gjatësi me 22 metra gjerësi.

Kontrolloni gjithashtu

Kryetari Ramosaj, priti në takim Ministrin e Arsimit Shkencës dhe Teknologjisë Ramë Likaj

Në kuadër të vizitave në të gjitha qytetet e Kosovës, Ministri i Arsimit Shkencës dhe ...