Ka filluar vaksinimi i kafshëve në komunën e Malishevës

19/02/2020 Institucionet

Si çdo vit, edhe sivjet Komuna e Malishevës, në bashkëpunim me Agjencionin e Ushqimit dhe Veterinës (AUV), janë duke bërë vaksinimin e kafshëve, ku përfshihen gjedhet, delet, dhitë dhe qentë. Vaksinimi bëhet kundër sëmundjeve klostridiale, siç janë këmbëzeza, edema malinje, gangrena gazoze, dizenteria e qengjave, pastaj vaksinimi dhe dehelmetizimi i qenve shtëpiak. Vaksinimin e kafshëve gjatë ditës, e kanë parë nga afër nënkryetari i Komunës së Malishevës, Hajdin Berisha dhe drejtori i Drejtorisë për Bujqësi dhe Blegtori, Murat Hoxha, të cilët janë njoftuar me procesin e vaksinimit. Nënkryetari Berisha, e vlerësoi si shumë të suksesshëm vaksinimin, si masë parandaluese ndaj sëmundjeve të ndryshme tek kafshët, si dhe për mbrojtjen e popullatës nga sëmundjet që mund të transmetohen nga kafshët tek njeriu, përmes kontaktit dhe konsumimit të produkteve. Këtë vaksinim në territorin e Komunës së Malishevës, është duke stacioni veterinar në Malishevë, ndërsa sipas drejtorit të bujqësisë, Murat Hoxha, procesi i vaksinimit është duke u kryer në mënyrë profesionale dhe po ecën mirë.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara