Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Hagë, ish-kryeparlamentari i Kosovës, Kadri Veseli, dha fjalën e tij përmbyllëse në gjykim, duke theksuar se drejtësia, edhe nëse vonohet, nuk mund të mohohet. “Unë e di kush jam, çfarë kam bërë dhe çfarë nuk kam bërë… Veprimet e mia kanë qenë ligjore,” deklaroi Veseli, duke nënvizuar nevojën që Gjykata të mbrojë të vërtetën, drejtësinë dhe paanësinë. Ai rikujtoi periudhat e vështira që ka kaluar personalisht dhe familjarisht, duke thënë se kanë jetuar në persekutim të vazhdueshëm dhe nën kërcënim, dhe se pas dekadash hetime dhe dokumentesh nuk ka prova që e implikojnë në krime. Veseli theksoi gjithashtu se ishte kthyer në Kosovë për të mos qëndruar indiferent ndaj vuajtjeve të popullit të tij, duke e cilësuar angazhimin e tij si të drejtë dhe të ligjshëm. Fjalën përfundimtare në gjykatë e kishte dhënë më parë edhe ish-presidenti i Kosovës, Hashim Thaçi.
