Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia kanadeze është duke marrë në pyetje drejtuesin e dyshuar të kamionit me qira, që u përplas mbi kalimtarët në veri të Torontos të hënën, duke vrarë 10 persona e duke plagosur 15 të tjerë. 25-vjeçari Alek Minassian, nga periferia Richmond Hill e qytetit, nuk ishte person i njohur për policinë. Incidenti që tronditi vendin e qetë verior, duket të ketë qenë i qëllimshëm, por motivet e tij janë të paqarta. Edhe vet kryeministri Justin Trudeau e cilësoi sulmin si tragjik dhe të pakuptimtë, një ngjarje që – siç tha ai, – i ka sjellë trishtim të madh. Episodi është cilësuar si një ndër më të dhunshmit në historinë moderne të Kanadasë. Drejtuesi i mjetit, rrëfejnë dëshmitarët okularë, ecte si i tërbuar herë në rrugë e herë mbi trotuar, duke goditur këdo që i dilte përpara. I pyetur nëse ka prova të ndonjë lidhjeje me terrorizmin ndërkombëtar, shefi i policisë u shpreh se, bazuar në atë që forcat e rendit disponojnë aktualisht, nuk ka asgjë që të tregojë kompromentimin e sigurisë kombëtare.
