Kandidati i PDK-së për deputet, Nezir Çoçaj përfundon intervistimin disa orësh në selinë e EULEX-it

Kandidati i PDK-së për deputet, Nezir Çoçaj përfundon intervistimin disa orësh në selinë e EULEX-it

Kandidati i PDK-së për deputet, Nezir Çoçaj, nga Prizreni, është intervistuar të mërkurën për disa orë në cilësinë e dëshmitarit, në selinë e EULEX në Fushë Kosovë. Çoçaj e ka konfirmuar  se ai sot është intervistuar por nuk ka dhënë detaje më tepër. Ai ishte ftuar ditë më parë nga Gjykata Speciale, pas bërjes publike të kandidaturës së tij për deputet të PDK-së. Çoçaj ka qenë njëri nga njerëzit e parë që ju kishte bashkangjitur radhëve të Ushtrisë Çlirimitare të Kosovës, deri në përfundimin e luftës. “Posti im më i larti që kam pasur në jetë ka qenë ai posti i shenjtë – ushtar i UÇK-së”, kishte thënë Çoçaj, kur kishte marrë ftesën për t’u intervistuar, duke u ndjerë gjithmonë krenar për luftën e shenjtë të UÇK-së. Ndryshë, më 5 nëntor është konfirmuar aktakuza ndaj katër ish-krerëve të Ushtrisë Çlirimtare të Kosovës, Hashim Thaçit, Kadri Veselit, Jakup Krasniqit dhe Rexhep Selimi, të cilët tashmë po mbahen në burg në Hagë.

Kontrolloni gjithashtu

Isa Mustafa: Nuk njoh ndonjë qeveri që i ka mbijetuar shkeljeve të marrëveshjeve dhe mospërfilljes së Amerikës

Isa Mustafa kritikon Osmanin dhe Kurtin: Për katër vite folën vetëm për luftë, jo për problemet reale të vendit

Ish-kryeministri i Kosovës, Isa Mustafa, ka drejtuar kritika të ashpra ndaj presidentes Vjosa Osmani dhe …