Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i FSK-së, tani kandidat për deputet në Kuvendin e Kosovës nga radhët e Partisë Demokratike të Kosovës, Kadri Kastrati, ka thënë se transformimi i Forcës së Sigurisë së Kosovës në ushtri është një prej prioriteteve kryesore të partisë se tij. “PDK, një prej prioriteteve në të ardhmen, një prej prioriteteve më imediate, e ka formimin e Ushtrisë së Kosovës”, ka thënë Kastrati në “TV Dukagjini”. Ai ka thënë se ushtria është prioritet edhe i partnerëve të koalicionit, Aleancës për Ardhmërinë e Kosovës dhe Nismës për Kosovën. “E kemi në platformën tonë që në tre muajt e ardhshëm pas zgjedhjeve, me formimin e qeverisë, do të formohet ushtria. Tre muaj pas formimit të qeverisë do ta kemi ushtrinë”, ka thënë Kastrati me shumë optimizëm.
